Tomislav Ribić "Plava čkomina"

Recital Zelina 2014.

 

Tenje mertvih šepesaju črez sen na mehkim cajgerima noči

Lomlive kreluti ajngela prevrčeju rieči,  krhke, lomlive

Vu zgusnutoj oktavi jutra srebro curi z komina

Den je plesniva hostija,srebrni tatoo na zemlini posteli

Ledene čapornice rasteju do neba i skrivleju sliku:

 Rušiju fabriku prek štreke

Plava  hosta  čkomine zaplela se vu tvoje lasi

Polehko plezi i nese led vu moje pospano serce

Miris črne kave nese me vu več zgubleni den

Gda bumo ostali brez posla

 Pred nami je sam štreka po kojoj zdavnaj ne pela cug

I plava hosta horvacke čkomine

 Recital  Zelina 2014. Nagrada za cjeloviti pjesnički opus Plava hosta čkomine

Hia.com.hr koristi kolačiće (tzv. cookies) za pružanje boljeg korisničkog iskustva i funkcionalnosti.