ZEMLICA MAGNETICA EST, SONČEKO VUSEVLEKAČ
Kmicu zapečenu strugali su
letima: sto, dvesto petsto osemsto
prtili su dneve, noči, drapali su plašče kvarili su
joči zemlu čitali su pojali su
meglu, sene, goreli su
eppur si muove šeptali su: spoznali su
jesu! zganku tela duše svetla
srca možganih i betega
vračili su i na Mesec leteli su
jesu! Bormeš jesu!
I na dalko zehali su na Japete
i Saturne, Andromede i Vlašiče
črne grabe i kvazare; i na čudaj strajnske
svete, coprali su, cepali su mrvinčice
droptinice
molekule i atome
kvarke mučkinečke elektrone
pritom semu dramili su
i na mejnše slinili su, jesu!
Zbilam jesu!
Na noftu palca svojega zajnu
večeru narisali su
srce jenomu vadili da bi drugoga zakrpali
jezike klonerali Bogeka se igrali
nek bu svetlo!! zavapeli
i bilo je.
Fakat jeje.
Zmed Zemlice- magneta i Sončeka vusevlekača
Plazeč spod drvla šipražja kačjaka drača
Valentina Šinjori, antologijska autorica kajkavskih pjesama jedna je od najznačajnijih suvremenih hrvatskih književnica. Osuvremenila je suvremeno kajkavsko pjesništvo novim motivima, emocijama. Dobitnica je mnogih nagrada na najznačajnijim recitalima. Pjesme su joj uvrštene u antologiju moderne kajkavske lirike 20. Stoljeća „Rieči sa zviranjka“ dr. Jože Skoka. Svestrana je autorica te piše i na standardu poeziju, prozu, znanstvene radove.
