Danas objavljujemo pjesmu Tomislava Ribića iz ciklusa KAJ pop music (uglazbljene / neuglazbljene pjesme) nastalu kao posveta velikom pjesniku Dragi Britviću
ZAGORSKI KRAJ
Tu buš našel senje
Zgublenega sina
Tu te navek čeka
Zemla tvoja
Tu buš sreču našel
Vu tihome kutu
Mirno budeš zaspal
Vu materinom skutu
Stari zavet tu leži
Čeka da se vrne sin
Tu prijatel nudi roko
Zagorski to je kraj
Breg tvoj tu te čeka
Sonce vu škrlaku
Jezuš na križanju
Vrt v belem slaku
Zemla čeka sina
Od zdavnih davnina
Sam je jena domovina
Sam jen zagorski je kraj
Tu buš sreču našel
Vu mirnome kutu
Našel buš del sebe
Svoj zagorski raj
