Danas objavljujemo pjesmu Tomislava Ribića sa Recitala suvremenog kajkavskog pjesništva "Dragutin Domjanić" 2010. godine.
VERBUVANKA
regaregaregaregaregaregaregaregaregaregaregarega
rega-rega
rega-rega
meni ni do tega
rega-rega
rega-rega
siti smo več sega
vubili su drugič Jezuša na križu
zaprli lunu vu dvanaestu hižu
vu kesnome filmu navlekli su kmicu
vlovili vu krletku plavu fticu
rega-rega
rega-rega
vu senjah sem videl turenj goreč
istinu iščuč zgubil sem reč
trese se vu bludu črna hiža
megla se zdiže okoli križa
rega-rega
rega-rega
vlečeju svetom hudega dar
Krampus postaje Jezuš Superstar
nalarfana luda
stigma, jezero čuda
rega-rega
rega-rega
krog su zaprli, bili su prvi
tolvaji i tati, prevrtlivci
lažni taborniki
zemlu su počistili, nisu stati znali
Hudemu se klanjali
Oca Presvetega za oprost prosili
nočima se smejali
goli tancali
z mladih dekli kerv cecali
pak popevali verbuvanku
pokvarjenu vuspavanku
rega-rega
rega-rega
meni ni do tega
rega-rega
rega-rega
siti smo več sega
regaregaregaregaregaregaregaregaregarega
